Staðreyndir skipta meira máli en þekkingarleysi og óskhyggja þegar kemur að því að vega og meta áhrif aðildar Íslands að Evrópusambandinu á íslenskan sjávarútveg.

Ríkisútvarpið virðist hafa lítinn áhuga á því hvaða augum aðildarríki ESB sem hafa mikla hagsmuni í sjávarútvegi líta hugsanlegar undanþágur Íslands frá hinni sameiginlegu sjávarútvegsstefnu. Áhuginn er mun meiri á greiningu félagsfræðings á því hvernig til tókst með HM í Bandaríkjunum.

Ísland er ekki í nokkrum skilningi stórveldi í evrópskum sjávarútvegi. Holland er það hins vegar. Tekjur fjögurra stærstu íslensku sjávarútvegsfyrirtækjanna samanlagðar eru sambærilegar við það stærsta í Hollandi. Hollenski forsætisráðherrann útilokar eins og fleiri ráðamenn í álfunni að Ísland fái undanþágu frá hinni sameiginlegu fiskveiðistefnu ESB.